ہم بربادہو جائیں گے!

دو روز قبل پاکستان کے ایک بڑے انگریزی اخبار میں ایک خبر شائع ہوئی جو ہمارے پاکستانی معاشرہ کے لئے انتہائی سنگین نتائج کی حامل ہے لیکن وہ خبر Ignore ہو گئی۔ نہ کسی ٹی وی چینل نے اُسے اُٹھایا، نہ ہی ٹاک شوز کا وہ موضوع بنی۔ انگریزی اخبارات پڑھنے والے ویسے ہی کم ہیں، اِس لئے اُس اخبار کے محدود قارئین کی نظر سے ہی وہ خبر گزری اور ہو سکتا ہے کہ بہت سوں نے اُسے وہ اہمیت بھی نہ دی ہو اور وہ خطرہ اور سنگینی نوٹ ہی نہ کی ہو جس کا اُس خبر میں ذکر تھا۔ اکثر سیاستدان تو اخبارات کو صرف سیاسی خبروں کی حد تک ہی پڑھتے ہیں اور اِس کے لئے بھی وہ اردو کے اخبارات کا ہی زیادہ مطالعہ کرتے ہیں۔ ویسے بھی جس خبر کا میں ذکر رہا ہوں، وہ ہمارے سیاستدانوں کی ترجیحات میں شامل نہیں۔

جس خبر کا میں ذکر کر رہا ہوں اُس کا تعلق پاکستان کے خاندانی نظام سے ہے جو اِس قدر تیزی سے تباہ حالی کا شکار ہے کہ صرف سندھ میں سال 2019کے مقابلہ میں سال 2020کے دوران شادی شدہ عورتوں کی طرف سے خلع لینے (یعنی اپنے شوہر سے عدالت کے ذریعے طلاق لے کر شادی ختم کرنے) کے مقدمات میں سات سو فیصد سے زیادہ (722فیصد) اضافہ ہوا۔ خبر کے مطابق سال 2019کے دوران صوبہ سندھ میں مجموعی طور پر خلع کے632کیس عدالتوں میں دائر کئے گئے جبکہ ایسی خواتین جو اپنی شادی ختم کرنے کی خواہاں ہیں اور اُس کے لئے عدالت کا دروازہ کھٹکھٹاتی ہیں، اُن کی مجموعی تعداد سال 2020میں اِس صوبہ میں پانچ ہزار سے بھی اوپر 5,198تک پہنچ گئی۔ خبر میں ایک متعلقہ خاتون وکیل کے حوالے سے کہا گیا کہ زیادہ تر خلع کے مقدمات دائر کرنے کی دو وجوہات ہیں۔ ایک طرف شوہر بیویوں کے متعلق اپنی ذمہ داری پوری نہیں کرتے تو دوسری طرف میڈیا میں فلموں اور ڈراموں میں جو کچھ پیش کیا جا رہا ہے، اُس کا حقیقی زندگی سے اگرچہ کوئی تعلق نہیں ہوتا لیکن اُن ڈراموں اور فلموں کو دیکھ کر حقیقی زندگی کو تسلیم کرنا ایسی خواتین کے لئے مشکل ہو جاتا ہے۔

یہ وہ خبر ہے جو پاکستان کے معاشرتی اور خاندانی نظام کو لاحق اُس بہت بڑے خطرے کی طرف ہماری توجہ دلا رہی ہے جس کے لئے میرا جسم میری مرضی، عورت کی آزادی، حقوقِ نسواں اور برابری کے نام پر پاکستان میں بہت کام ہو رہا ہے جس میں این جی اوز کے ساتھ ساتھ پاکستانی میڈیا اپنی فلموں، ڈراموں حتیٰ کہ خبروں اور اشتہاروں کے ذریعے بہت بڑھ چڑھ کر، جیسا کہ وزیراعظم عمران خان بھی کہتے ہیں، وہ کچھ دکھا رہا ہے جس کا مقصد پاکستان کے خاندانی نظام کی تباہی اور فحاشی و عریانی کو پھیلانا ہے۔ پاکستانی ڈراموں اور فلموں کے موضوعات اور دکھایا جانے والا مواد اتنا گھٹیا ہو چکا ہے کہ کسی تعمیری موضوع یا معاشرہ کی کردار سازی کی بجائے ناجائز تعلقات، طلاق، قریبی اور حرمت والے رشتوں کی پامالی کی کہانیاں دکھائی جاتی ہیں۔ اگر کوئی کسر باقی رہ جاتی ہے تو وہ این جی اوز اور میڈیا میرا جسم میری مرضی، عورت کی آزادی، حقوقِ نسواں وغیرہ جیسے نعروں کے ذریعے پوری کرکے اس کوشش میں ہیں کہ کوئی گھر نہ بسے۔ ’’میرا جسم میری مرضی والے‘‘ تو حالیہ برسوں میں اپنے مظاہروں میں طلاق کو بہت خوبصورت بنا کر پیش کرتے رہے ہیں۔ این جی اوز اور میڈیا پر مسلط ایک سوچ یہ بھی ہے کہ عورت جو جی چاہے کر لے،اُس کے باپ، شوہر وغیرہ کو کوئی حق نہیں کہ اُسے روکے۔ یہاں تو کرکٹر شاہد آفریدی کو میڈیا گردی کا سامنا کرنا پڑا جب اُس نے یہ کہا کہ وہ اپنی بیٹیوں کو باہر کرکٹ کھیلنے کی اجازت نہیں دے سکتا۔ یہاں تو کہا جاتا ہے کہ شوہر کو کہو ’’اپنا کھانا خود گرم کرو‘‘۔

گویا ہمارے خاندانی نظام کو مغرب زدہ کرکے تباہ کرنے والے کامیاب ہو رہے ہیں اور ہم ہیں کہ ہاتھ پہ ہاتھ دھرے بیٹھے ہیں۔ وزیراعظم عمران خان نے گزشتہ کچھ عرصہ کے دوران بار بار خاندانی نظام کو بچانے کی بات کی اور مثالیں دیں کہ کیسے ہالی ووڈ اور بالی ووڈ فحاشی و عریانی پھیلا کر مغرب اور بھارت میں خاندانی نظام کی تباہی کا سبب بنے۔ وزیراعظم نے کہا کہ یہی کچھ پاکستان میں بھی ہوگا اگر ہم نے پاکستانی میڈیا، ڈرامہ اور فلم انڈسٹری کو وہی کچھ کرنے دیا جو مغرب اور بھارت میں ہو رہا ہے۔ اگرچہ وزیراعظم نے اسلامی تاریخ سے متعلق ارطغرل غازی اور دوسرے بہترین ترک ڈرامے پاکستان میں دکھانے کے احکامات جاری کئے جو بہت مقبول ہوئے لیکن اُن کی حکومت کی طرف سے پاکستانی میڈیا، فلموں، ڈراموں کے ذریعے پھیلائی جانے والی فحاشی اور گھٹیا موضوعات کو روکنے کے لئے کوئی واضع پالیسی سامنے نہیں آئی جس کی وجہ سے غیراخلاقی، فحش اور گھٹیا مواد اب بھی ماضی کی طرح بلا روک ٹوک دکھایا جا رہا ہے۔

ایسا نہیں کہ پاکستان میں خواتین کے ساتھ ناروا سلوک نہیں ہوتا اور شوہر کوئی بڑے اچھے ہوتے ہیں۔ یقیناً یہاں ایسے مردوں کی کمی نہیں جو خواتین اور اپنی بیویوں کے ساتھ بہت بُرے انداز میں پیش آتے ہیں، اُنہیں مارتے ہیں، اُن کے حقوق پورے نہیں کرتے۔ اُس کے لئے میں بار بار جو کہتا ہوں کہ ہمیں اپنی قوم کی تربیت اور کردار سازی کی طرف توجہ دینا ہوگی جس کے لئے ریاست کچھ کر رہی ہے نہ ہی پارلیمنٹاور نہ ہی سیاستدانوں اور میڈیا کو اِس موضوع میںکوئی دلچسپی ہے۔ اسلامی تعلیمات کے مطابق بہترین شخص وہ ہے جو اپنی بیوی کے ساتھ اچھا سلوک روا رکھے۔ اسلام میں میاں بیوی کو ایک دوسرے کا لباس گردانا گیا ہے۔ ایک دوسرے کے متعلق دونوں کے حقوق و فرائض وضع کر دیے گئے لیکن اِس تعلیم اور اس کی بنیاد پر معاشرے کی تربیت کا نہ کوئی نظام ہے اور نہ ہی کوئی اِس نظام کے نفاذ کے لئے سنجیدہ ہے۔ نتیجتاً پاکستانی معاشرے کو میرا جسم میری مرضی، عورت کی آزادی، حقوقِ نسواں اور برابری کے نعرے لگانے والوں کے ہاتھوں تیزی سے ایک ایسی تنزلی کا سامنا ہے، جسے اگر نہ روکا گیا تو ہم برباد ہو جائیں گے۔

(کالم نگار کے نام کے ساتھ ایس ایم ایس اور واٹس ایپ رائے دیں 00923004647998)

امریکا کے ایوان نمائندگان کی اسپیکر نینسی پلوسی اور سینیٹ ڈیمو کریٹ لیڈر سمیت 100 سے زائد ارکان کانگریس نے ٹرمپ کو فوری عہدے سے ہٹانے کا مطالبہ کردیا

شاہد خاقان عباسی نے لندن میں گفتگو کرتے ہوئے کہا کہ موجودہ حکومت کا ہر لمحہ ملک کیلئے بھاری ہے،

میڈیا اور شوبز انڈسٹری سے جڑے افراد خود کو فٹ رکھنے پر بھرپور توجہ دیتے ہیں انہی میں سے ایک پاکستان ڈرامہ انڈسٹری کی مقبول ترین اداکارہ یمنیٰ زیدی بھی ہیں جو کافی دنوں سے صحت مند غذائیں کھانے پر خاص توجہ دے رہی ہیں۔

کینیڈا کی مراکشی نژاد اداکارہ نورا فتیحی نے بالی وڈ میں اپنےکیریئر کی ابتدائی مشکلات کے حوالے سے بتا یا ہے کہ وہ ایک واقعے پر رو پڑی تھیں۔

گزشتہ دنوں بھارت کی ریاست اترپردیش میں 50 سالہ خاتون کے ساتھ تین افراد نے اجتماعی زیادتی کے بعد اسے قتل کردیا تھا۔

وزیر ٹرانسپورٹ ایلین چاؤ مستعفی ہو گئیں

سعودی عرب کی جانب سے فضائی حدود استعمال کرنے کی اجازت دینے کے بعد قطر ایئرویز کی پہلی پرواز مکہ کے اوپر سے ہوتے ہوئے جوہانسبرگ کے لیے روانہ ہوگئی ہے۔

ملالہ یوسف زئی نے ایک بیان میں کہ کان کنوں کے وحشیانہ قتل پر اظہارِ غم کے لئے ان کے پاس الفاظ نہیں ہیں۔

سعودی وزیر خارجہ سے گفتگو میں شاہ محمود قریشی نے قطر اور خلیجی ممالک کے تنازعات کے حل کیلئے سعودی عرب کے کردار کو سراہا

اسپتال انتظامیہ کے اجلاس میں کہا گیا کہ اسپتال صحت کارڈ کے مریضوں کے اخراجات برداشت کرنے کے قابل نہیں۔

وفاقی وزیر اسد عمر کی زیرصدارت اجلاس میں بریفنگ کے دوران بتایا گیا کہ نومبر تک گردشی قرض 155ارب روپے بڑھا۔

نومنتخب امریکی صدر جوبائیڈن نے خطاب میں کہا کہ گزشتہ روز کانگریس کی عمارت پر حملہ ملکی تاریخ کا سیاہ دن ہے

امریکی صدر ٹرمپ نے ہوم لینڈ سیکیورٹی کیلیے چاڈ وولف کی نامزدگی واپس لے لی ہے۔ ٹرمپ نے چاڈ وولف کا نام ہوم لینڈ سیکیورٹی کے مستقل سیکرٹری کیلیےپیش کیاتھا۔

میڈیا رپورٹس کے مطابق امریکی خاتون اول میلانیا ٹرمپ کی چیف آف اسٹاف سارا میتھیوز سب سے پہلے مستعفی ہوئیں

غیر ملکی خبر رساں ایجنسی کی رپورٹ کے مطابق میرک گارلینڈ واشنگٹن کی وفاقی اپیل کورٹ کے جج رہ چکے ہیں

ترکی کی حکمراں جماعت کے ترجمان عمرسالک نے انقرہ سے جاری بیان میں اس حوالے سے کہا کہ امریکا کی تمام جماعتیں بردباری سے انتخابی نتائج تسلیم کریں۔


Comments

Leave a Reply

Your email address will not be published. Required fields are marked *